Մեր մասին
ԻՍՄԱ համակարգի մշակումները սկսվել են 2000թ. հունվարից և ընթանում են մինչ օրս Երևանի Պոլիտեխնիկ և Վ. Բրյուսովի անվան լեզվահասարակագիտական համալսարանների մի խումբ հայրենասեր ուսանողների և աշխատակիցների օգնությամբ, հիմնականում՝ անվճար սկզբունքով:
Համակարգի զարգացման համար աշխատակիցները օգտվում են օնլայն խմբագրիչից, որը թույլ է տալիս համակարգի բազայի զարգացումը իրականացնել աշխարհի ցանկացած կետից, այնպես որ մշակումներում ընդգրկված են նաև սփյուռքահայեր:
Համակարգի մասին
Համակարգի հիմքում ընկած է կոնցեպտների ցանցի տեսքով գիտելիքների բազա: Կոնցեպտը մարդկային մտածողության միավորն է, որը անկախ է ազգային պատկանելիությունից և լեզվից: Նշված կոնցեպտների ցանցը, փաստորեն, աշխարհի մոդելն է՝ հասկացույթների մակարդակով: Կոնցեպտները բազայում իդենտիֆիկացվում են ազգային լեզուների բառերով: Կոնցեպտը նկարագրվում է հայերենով, որը թույլ է տալիս ծրագրային եղանակով ստանալ բազմալեզու թարգմանչական բառարան, ինչպես նաև հայերեն բացատրական բառարան՝ ցանկացած բառի համար:
2021թ. հուլիսի դրությամբ բազան պարունակում է 200.045 կոնցեպտ (միայն հայերեն բառերի քանակը 165.000), և այնտեղ ընգրկված բառերի քանակը բոլոր լեզուներով մոտ մեկ միլիոն է: Փորձերը ցույց են տալիս, որ ընդհանուր օգտագործման տեքստերում առկա բառերի 99%-ը ճանաչվում են համակարգի կողմից, իսկ նրանց բացատրությունները տրված են մոտ 99%-ի համար: Վերը նշված գիտելիքների բազան տեղադրված է ինտերնետում և կարող է օգտագործվել ոչ միայն բառարանների գեներացիայի համար, այլև տարբեր կիրառական խնդիրներում: Կոնցեպտների ցանցը զարգացնելու համար օգտագործվում է օնլայն խմբագրիչ, որը սակայն հասանելի է միայն համակարգի մշակողներին:
Կապ մեզ հետ
Էլ. հասցե՝ isma.team@gmail.com
Հեռախոս՝ +37410 589744, +37494 431887